УКИМ

На 20 август 2021 година, во Ректоратот на Универзитетот „Св. Кирил и Методиј“ во Скопје беше потпишан Меморандум за соработка меѓу Универзитетот, претставуван и застапуван од ректорот, проф. д-р Никола Јанкуловски и Здружението на граѓани „Младински образовен форум“, претставувано и застапувано од извршниот директор, г. Димитар Низамовски.

Целта на соработката е во директна корелација со проектот „Студентска перцепција за дискриминација“, поддржан од Фондацијата Отворено општество – Македонија. Потписниците на договорот  ќе воспостават соработка во врска со реализацијата на проектот „Студентска перцепција за дискриминација“ и други проекти во иднина, преку: размена на знаења и искуства, взаемни консултации и предлози, редовно оддржување на состаноци, взаемно искористување на каналите за комуникација, дисеминација на прашалници и анкети, како и изработка на анализи.

Соработката ќе се реализира преку организирање работни посети, конференции, работилници и други облици на размена на искуства и знаења, како организирање и одржување заеднички средби со учество на трети страни и меѓународни организации.