Огласна табла

Уписи за бесплатни курсеви по кинески јазик 
01.09.2016
Почитувани,

Институтот „Конфуциј“ при Универзитетот „Св. Кирил и Методиј“ Ве информира дека уписите за бесплатни курсеви по кинески јазик ќе траат од 1 до 15 септември 2016 г.. Заинтересираните може да испратат пријава на е-адресата: ci.mk@ukim.edu.mk или да дојдат да се пријават во Институтот (адреса: бул. Гоце Делчев бр.6 - лево од главниот влез на Националната и универзитетска библиотека „Св. Климент Охридски“ - Скопје). 

Во пријавата треба да го наведете своето име и презиме, возраста,  контакт информациите и нивото на курс за кој се пријавувате. 

За дополнителни информации може да се обратите на тел. 02/551 2922 или на е-адреса: ci.mk@ukim.edu.mk.

Срдечен поздрав,

Институт „Конфуциј“ при Универзитетот „Св. Кирил и Методиј“ во Скопје

HelpMark.me 
23.08.2016
Со цел да се помогне на локалното население кое претрпе штети од поплавата и волонтерските акции да бидат по координирани екипата на System4Enterprise создаде мобилна апликација - HelpMark.me која што овозможува маркирање на потреба од помош на одредени локации и ја олеснува координацијата при доставата на истата.

Апликацијата е платформа каде имаат можност да се спојат волонтерите и оние кои имаат потреба од помош. Ве молиме споделете ја оваа апликација со Вашите пријатели, блиски и сите оние кои можат да помогнат.

Како функционира HelpMark.me? 
1.Пријави потреба од помош на локацијата на која се наоѓаш. 
2.Прегледај каде има потреба и одбери каде ќе помогнеш. Ако избраниот маркер не успееш да го опслужиш во рок од 12 часа, маркерот се враќа во статус "потребна помош".
3. Во моментот кога потребата ќе е опслужена, маркерот се брише од мапата. Тоа може да се направи само од локацијата каде маркерот е поставен.

HelpMark.me можете да ја симнете директно на вашиот телефон преку Google Play Store.


Програма за престој на уметници во Австрија во 2017 година 
19.08.2016
Федералното министерство во Австрија, во соработка со KulturKontakt Австрија, распишува повик за реализација на 50 престои на уметници во Виена и Салцбург, Австрија во 2017 година. Престоите се наменети да им понудат на уметниците да се запознаат со австриската уметничка сцена и култура, како и да стапат во контакт со австриски уметници.

Дел од активностите вклучуваат посета на галерии, студија и музеи, остварување контакти со литературниот и издавачкиот сектор, како и пристап до музичкиот живот на Виена и Салцбург.

Повикот е отворен за уметници чие постојано место на живеење е надвор од Австрија и кои имаат завршено соодветно образование. Критериум за аплицирање е и добро познавање на англиски или германски јазик, а возрасната граница е 40 години.

Апликантите имаат можност да се пријават за една од следниве дисциплини: визуелни уметности, уметничко фотографирање, видео и медиумски уметности, композиција, литература, литература за деца и младинци, литературен превод и културна едукација. Времетраењето на престојот зависи од уметничката дисциплина.

Грантовите се финансирани од страна на австриското федерално министерство, додека KulturKontakt е посредник и обезбедува организациска поддршка.

Потребните информации и документите за аплицирање се достапни на интернет-страницата на австриското федерално министерство, на следниов линк: www.kunstkultur.bka.gv.at, како и на интернет-страницата на KulturKontakt – Австрија, на: www.kulturkontakt.or.at.


ПРИЈАВА за посетување курс по руски јазик во Рускиот центар при УКИМ 
16.08.2016

Меѓународни летни програми на Универзитетот во Кембриџ
(9 јули – 19 август 2017 година)
 
15.08.2016
Во периодот од 9 јули до 19 август 2017 година, Универзитетот во Кембриџ организира меѓународни летни програми, кои претставуваат спој на традиција и иновација, овозможувајќи им на стотици студенти да ја почувствуваат атмосферата на овој престижен Универзитет, црпејќи знаења од некои од најпознатите професори и научници.

Заинтересираните студенти можат да аплицираат на една од следниве студиски програми: древни и класични светови, креативно пишување, историја, интердисциплинарни студии, литература, средновековни студии, наука и Шекспир. Програмите се организираат на ниво на додипломски студии, привлечни за лица од сите возрасти, од над 50 држави. Околу 50% од учесниците се тековни студенти на додипломски и постдипломски студии, а околу 40-45% од учесниците се на возраст од над 30 години.

Во текот на месец декември, кога ќе биде отворен и повикот за аплицирање, на интернет-страницата на Универзитетот во Кембриџ ќе бидат објавени целосни информации за студиските програми, датумите за пријавување и информациите за сместување и школарина, како и деталите за начинот на онлајн-аплицирањето:
www.ice.cam.uk/intsummer

За дополнителни информации, сите заинтересирани можат да се обратат на следнава е-адреса:
intenq@ice.cam.ac.uk


Стипендии на Швајцарската влада во академската 2017/2018 година 
04.08.2016
Амбасадата на Швајцарија во Р. Македонија има чест да ги извести сите заинтересирани дека Владата на Швајцарија, во соработка со Федералната комисија за стипендирање странски студенти доделува од 20 до 30 стипендии на студенти од средно и источноевропските држави и државите од Кавказ, за академската 2017/2018 година.

Стипендиите им овозможуваат на висококвалификувани млади кадри со завршени постдипломски студии од сите научни подрачја, да вршат истражувања и други активности на докторски и постдокторски студии на некој од јавно финансираните универзитети или признати институции (швајцарските универзитети, федералните институти за технологија, наставно и научноистражувачките институти, како и универзитетите за применети науки). 

Се доделуваат следниве три вида стипендии: за научно истражување, за докторски и за постдокторски студии.

Информации за трите вида стипендии кои важат за Р. Македонија може да се добијат на интернет-страницата на Швајцарската амбасада во Скопје: www.eda.admin.ch/skopje

Формуларот за апликација, како и другите потребни документи може да се подигнат од Амбасадата (телефон за контакт: 3103 330, e-адреса: sko.vertretung@eda.admin.ch. Рокот за поднесување на целокупната апликација, во три примероци, треба да се достави во Швајцарската амбасада во Скопје, најдоцна до 15 ноември 2016 година.

Можности за студирање во Република Грција 
20.07.2016
До Универзитетот „Св. Кирил и Методиј“ во Скопје е доставено известување од Министерството за надворешни работи преку Министерството за образование и наука за можноста за студирање на прв циклус - додипломски и втор циклус - постдипломски студии на високообразовните установи во Република Грција.

Повеќе информации за стипендиите што се доделуваат, заинтересираните кандидати за студирање во Р. Грција може да добијат на веб-порталите на високообразовните установи.

Стипендии на УНЕСКО од областа на одржливи и обновливи енергии за 2016 година 

Националната комисија за УНЕСКО при Министерствотоза култура известува дека Меѓународниот центар за развој на одржливи енергии од Москва, Руската федерација во соработка со УНЕСКО доделува 20 стипендии за земјите членки на УНЕСКО во времетраење од 4 недели за 2016 година.

Целта на стипендиите е зајакнување на капацитетите и човечките ресурси во областа на одржливите и обновливи енергии во државите во развој и транзиција.

Повеќе информации за стипендиите на следниот линк

Предлозите треба да се достават најдоцна до 6 април 2016 година до Националната комисија за УНЕСКО при Министерствотоза култура.

Втора меѓународна студентска научна конференција за заштита на животната средина 
22.02.2016

Унгарската влада доделува стипендии за странски студенти 
25.01.2016
Унгарската програма за стипендии, основана од страна на Унгарската влада, а во соработка со Универзитетот „Етвош Лоранд“ во Будимпешта доделува стипендии за странски студенти за студирање во учебната 2016/2017 година. Програмата за стипендирање има за цел да промовира културно разбирање, како и економски и културни односи меѓу Унгарија и други држави. Програмата покрива школарина, месечна стипендија, сместување и здравствено осигурување на студентите во целото времетраење на студирањето.
   
Универзитетот „Етвош Лоранд“, кој е основан во 1635 година, е водечки научноистражувачки универзитет во Унгарија, а во рамките на програмата за стипендирање учествува од учебната 2013/2014 година, со над 100 стипендисти од различни земји во моментов.
   
За академската 2016/2017 година, Универзитетот нуди стипендии за 52 студиски програми во шест студиски области.
  
Крајниот рок за аплицирање е 1 март 2016 година, а стипендистите го започнуваат студискиот престој во септември 2016 година.
   
Повеќе информации за стипендиите може да се добијат на следниве интернет-страници: www.elte.hu и www.stipendiumhungaricum.hu, а за дополнителни прашања заинтересираните кандидати можат директно да контактираат со Одделението за меѓународна соработка, преку следнава електронска адреса:

Продолжување на рокот за Јавниот повик за избор на најдобри бизнис планови 
16.10.2015
Согласно договореното на состанокот за Јавниот повик за избор на најдобри бизнис планови и за започнување на бизнис,  се продолжи рокот за аплицирање по истиот до 22.10.2015 година.

Документација во врска со јавниот повик:
1. Јавен повик за избор на најдобри бизнис планови и за започнување на бизнис (со продолжениот рок за аплицирање);
2. Упатство за пишување бизнис план и
3. Соопштение за продолжување на Јавен повик за избор на најдобри бизнис планови и за започнување на бизнис (објавен на веб страната на Министерство за економија www.economy.gov.mk и порталот www.konkurentnost.mk)

Конкурс за доделување стипендии за студиски престој во земјите членки на CEEPUS програмата 
01.09.2015
Националната CEEPUS канцеларија при Министерството за образование и наука објавува Конкурс за стипендии за студиски престој надвор од Р. Македонија, за летниот семестар од учебната 2015/2016 година, преку CEEPUS програмата за размена на студенти и наставен кадар. Наставен кадар, како и студенти од прв, втор и трет циклус студии имаат можност да аплицираат за стипендии за студиски престој на некој од универзитетите во земјите партнери и потписници на Договорот за соработка.

Програмата има за цел да промовира мобилност на студенти и кадар и соработка и развивање на заеднички студиски програми што води до заеднички дипломи (Joint Degree).

Универзитетот „Св. Кирил и Методиј“ во Скопје е вклучен преку следниве факултети: Филолошкиот факултет „Блаже Конески“ (Катедра за славистика и катедра за германски јазик и книжевност), Медицинскиот факултет, Факултетот за ветеринарна медицина, Машинскиот факултет (Институт за производно инженерство), Природно-математичкиот факултет (институтите за математика, хемија, етнологија и антропологија и географија), Технолошко-металуршкиот факултет, Факултетот за земјоделски науки и храна, Факултетот за електротехника и информациски технологии, Филозофскиот факултет (Институт за историја на уметност и археологија) и Градежен факултет (Катедра за техничка механика и јакост на материјалите).

Крајниот рок за аплицирање за летниот семестар во учебната 2015/2016 година е 31 октомври 2015 година, а аплицирањето се врши само електронски, на интернет-страницата на CEEPUS програмата:


Повеќе информации за стипендиите може да се добијат во Националната CEEPUS канцеларија при Министерството за образование и наука, на тел.: 3140 185, или на следнава е-адреса: olga.dukovska@mon.gov.mk


650. години Универзитет во Виена 
19.05.2015
Универзитетот во Виена, најголемиот Универзитет во Средна Европа, оваа година прославува 650. години од своето постоење. По тој повод, за првпат на едно место ќе се соберат сите алумни членови на Универзитетот: Worldwide Alumni Map.

Пријавувањето и регистрирањето на алумни-членовите е на следнава интернет-страница:



 

Последни новости

06-12-2016 - ИНТЕРЕН КОНКУРС
за распределба на средствата за културни и спортски активности на Универзитетот „Св. Кирил и Методиј” во Скопје за учебната 2016/2017 година

06-12-2016 - На Педагошкиот факултет „Св. Климент Охридски“ во Скопје
ОДБЕЛЕЖУВАЊЕ ЗА ДВА ЈУБИЛЕИ

05-12-2016 - ФМУ одбележува јубилеј
ОДБЕЛЕЖУВАЊЕ НА 50-ГОДИШНИНАТА ОД ОСНОВАЊЕТО НА ФАКУЛТЕТОТ ЗА МУЗИЧКА УМЕТНОСТ – СКОПЈЕ

02-12-2016 - Филозофски факултет на УКИМ
3 ДЕКЕМВРИ, МЕЃУНАРОДЕН ДЕН НА ЛИЦАТА СО ИНВАЛИДНОСТ

23-11-2016 - Значаен спортски успех
НА ЖЕНСКАТА КОШАРКАРСКА ЕКИПА НА УКИМ

21-11-2016 - Во Варшава
ОДРЖАНО ГОДИШНОТО ГЕНЕРАЛНО СОБРАНИЕ НА МРЕЖАТА НА УНИВЕРЗИТЕТИ ОД ГЛАВНИТЕ ГРАДОВИ НА ЕВРОПА (UNICA)

18-11-2016 - Економски институт на УКИМ
ОБЈАВУВАЊЕ НА ПУБЛИКАЦИЈАТА SEE-6 ECONOMIC OUTLOOK

18-11-2016 - Филозофски факултет на УКИМ
ЈУБИЛЕЈ ИНСТИТУТОТ ЗА КЛАСИЧНИ СТУДИИ

18-11-2016 - ФМУ на УКИМ
КОНЦЕРТ НА СИМФОНИСКИОТ ОРКЕСТАР НА ФМУ НА УКИМ

18-11-2016 - Филозофски факултет на УКИМ
ОДБЕЛЕЖУВАЊЕ НА СВЕТСКИОТ ДЕН НА ФИЛОЗОФИЈАТА

18-11-2016 - ФМУ на УКИМ
ОДРЖАН СЕМИНАР ПО СОЛО ПЕЕЊЕ

18-11-2016 - ИСППИ на УКИМ
ЌЕ ОДРЖИ НАУЧЕН СИМПОЗИУМ

18-11-2016 - Економски факултет на УКИМ
ПРЕДАВАЊЕ ЗА ПРИДОНЕСОТ НА ДОБИТНИЦИТЕ НА НОБЕЛОВАТА НАГРАДА ЗА ЕКОНОМИЈА ЗА 2016

09-11-2016 - Институт „Конфуциј“ при УКИМ
ГОСТУВАЊЕ НА УМЕТНИЧКИОТ АНСАМБЛ ОД ЈУГОЦЕНТРАЛНИОТ УНИВЕРЗИТЕТ НА НАЦИОНАЛНОСТИТЕ ОД ХУБЕЈ, НР КИНА

08-11-2016 - Одбележување на Светски ден на науката за мир и развој
ИЗЛОЖБА НА НАУЧНИ ПУБЛИКАЦИИ НА УКИМ

07-11-2016 - Информација
ТРАДИЦИОНАЛНАТА ПЛАНИНАРСКА ТУРА „ВОДНО 2016“ СЕ ОДЛОЖУВА

07-11-2016 - 35 години Институт за македонска литература
МЕЃУНАРОДНА НАУЧНА КОНФЕРЕНЦИЈА „КРИТИКА И МОЛК: ЧИТАЊЕ НА МАКЕДОНСКАТА ЛИТЕРАТУРА И КУЛТУРА“
(7 И 8 НОЕМВРИ 2016)

03-11-2016 - Филолошки факултет „Блаже Конески“
МЕЃУНАРОДЕН СИМПОЗИУМ „ИСТОТО, СЛИЧНОТО И РАЗЛИЧНОТО ВО ЈАЗИКОТ, ВО КНИЖЕВНОСТА И ВО КУЛТУРАТА ВО ФРАНКОФОНСКИТЕ ЗЕМЈИ“ (4 И 5 НОЕМВРИ 2016)

03-11-2016 - АКУД „Мирче Ацев“
НАСТАПИ НА ХОРОТ И АНСАМБЛОТ ЗА НАРОДНИ ОРА И ПЕСНИ

02-11-2016 - Факултет за драмски уметности
СКОМРАХИ 2016

30-10-2016 - Факултет за музичка уметност
СИМФОНИСКИ КОНЦЕРТ НА СТУДЕНТИТЕ НА ФМУ

30-10-2016 - Технолошко-металуршки факултет
РЕВИЈА „РИТАМ И НАУКА“

26-10-2016 - Архитектонски факултет на УКИМ
Меѓународна научна конференција УЧЕЊЕ АРХИТЕКТУРА

25-10-2016 - ИСППИ
Симпозиум за унапредување на студентското практикантство како линк помеѓу образованието и бизнисот

21-10-2016 - На УКИМ се одржа
ПРВ ЧАС ЗА КУРСИСТИТЕ ПО РУСКИ ЈАЗИК ПРИ РУСКИОТ ЦЕНТАР НА УКИМ

20-10-2016 - Одржана инаугурација
ПРОФ. Д-Р НИКОЛА ЈАНКУЛОВСКИ, РЕКТОР НА УКИМ ЗА ПЕРИОДОТ 2016-2020