УКИМ

На 1 октомври о.г. (четврток), на факултетите на Универзитетот „Св. Кирил и Методиј“ во Скопје доаѓа уште една генерација студенти, со што се означува почетокот на новата академска 2020/2021 година.

Негувајќи ја традицијата, организирано и свечено да ги пречекуваме новите академски граѓани, факултетите на Универзитетот „Св. Кирил и Методиј“ во Скопје организираат први академски часови.

Во таа насока, ве известуваме дека ректорот на УКИМ проф. д-р Никола Јанкуловски ќе присуствува на првите академски часови на студентите на:

• Правниот факултет „Јустинијан Први“, кој ќе се одржи на отворено на платото пред Факултетот, со почеток во 11, 00 часот, и на
• Филозофскиот факултет кој ќе се одржи на отворено на платото на Факултетот, со почеток во 12, 30 часот.

Ректорот Јанкуловски, исто така, ќе се обрати онлајн и на првиот академски час на студентите на Економскиот факултет. Инаку, и првиот час и наставата во оваа академска година на дел од факултетите на УКИМ ќе се одвива целосно онлајн, но на дел од факултетите поради природата на наставните содржини и на методите на нивното изучување, наставата ќе се одвива хибридно, и онлајн и со физичко присуство.

Обраќајќи им се на студентите на овие факултети, ректорот Никола Јанкуловски, симболично со порака ќе им се обрати на сите новозапишани студенти на факултетите на Универзитетот „Св. Кирил и Методиј“ во Скопје.